साहिबो सथ छम मे चॉनी

साहिबो सथ छम मे चॉनी वथ मॆ असल॒च हावतम.

कूत काला रोज़॒ बेज़ार ज़ानि हुन्‍द मस चावतम.


शबनम॒कि पॉठ्‍य्‌ आफ्‍ताबस कूत काल कर॒ इन्‍तज़ार.

गॊडनिचे अनवारि पोशन स॒त्‍य्‌ सुलि वुज़नावतम.


शक्‍लि छुस इन्‍साँ मगर इनसानियत निशि बेखबर

ह्‍यावतम मत इम्‍तिहान येमि शक्‍लि मत मन्‍दछावतम


बोज़तम फरियाद सॉरी सोज़तम दाद्‍यन दवा

रोज़तम हरदम मेहरबान ज़ाँह ति पर॒ मत॒ पावतम

ग्वडनिच कथ

कथ छ्य न॒ च़कि किहीं। अख कथा कर॒ ओर॒च, अखा कर॒ योर॒च। सुति येलि द‌्यमागस मंज़ यियम कॆंह। फिलहाल ओसुम मक़सद यि ज़ि, ब॒ बनाव॒ दुनिय॒हुक ग्वडन्युक कॉशुर ब्लाग। बायव, अगर काँसि छुनव बॆयि बनोव॒मुत, मॆ वॅनिव, नत॒ क्या छु मॆ गिन्यस बुक वाल्यन लेखुन.